«Manchester Yunayted» Italiya chempionatining joriy mavsumida 9 ta gol urgan va ikkita golli uzatmani amalga oshirgan «Napoli» hujumchisi Viktor Osimxenning iqtidoriga qiziqish bildirgan.
Insayder Samuel Lakxyorstning so‘zlariga ko‘ra, «qizil iblislar» nigeriyalik futbolchini yanvarda sotib olmoqchi, ammo bunday ssenariy juda mavhum ko‘rinmoqda, chunki «Napoli» A Seriyani ishonchli tarzda boshqarayotgan bir paytda asosiy o‘yinchilardan birini qo‘yib yuborishga rozi bo‘lmasa kerak.
Manbaga ko‘ra, Osimxen o‘rniga «Manchester Yunayted» «Benfika» hujumchisi Gonsalu Ramushni qo‘lga kiritishga harakat qilishi mumkin.
