«Манчестер Юнайтед» Италия чемпионатининг жорий мавсумида 9 та гол урган ва иккита голли узатмани амалга оширган «Наполи» ҳужумчиси Виктор Осимхеннинг иқтидорига қизиқиш билдирган.
Инсайдер Самуэль Лакхёрстнинг сўзларига кўра, «қизил иблислар» нигериялик футболчини январда сотиб олмоқчи, аммо бундай сценарий жуда мавҳум кўринмоқда, чунки «Наполи» А Серияни ишончли тарзда бошқараётган бир пайтда асосий ўйинчилардан бирини қўйиб юборишга рози бўлмаса керак.
Манбага кўра, Осимхен ўрнига «Манчестер Юнайтед» «Бенфика» ҳужумчиси Гонсалу Рамушни қўлга киритишга ҳаракат қилиши мумкин.
