«MYU» «Benfika» hujumchisi Gonsalu Ramushning transferi borasida surishtiruv olib boradi, deb xabar beradi ESPN. Biroq «mankunianliklar» portugaliyalikning yanvarda shartnoma imzolay olishiga ishonchlari komil emas.

«Yunayted» qishki transferlarda jiddiy moliyaviy cheklovlarga ega. Bunga koronavirus pandemiyasi tufayli yo‘qotishlar va o‘tgan yozdagi transfer narxi kutilganidan yuqori bo‘lgani sabab bo‘ldi.

Shuningdek, «Manchester Yunayted» qiziqish bildirayotgan hujumkor futbolchilar ro‘yxatida «Atletiko» futbolchilari Joau Feliks va Alvaro Morata, shuningdek, «PSV» futbolchisi Kodi Gakpo ham bor. «Mankunianliklar» Feliks bilan shartnoma imzolashi mumkinligi haqida yanvarda malum qilingan, biroq yarim himoyachining 100 million yevrolik yuqori transfer narxi bunga to‘siq bo‘lishi mumkin.

Klub 23 yoshli futbolchini mavsum oxirida sotib olish majburiyati bilan ijaraga olish variantini ko‘rib chiqmoqda.