«МЮ» «Бенфика» ҳужумчиси Гонсалу Рамушнинг трансфери борасида суриштирув олиб боради, деб хабар беради ESPN. Бироқ «манкунианликлар» португалияликнинг январда шартнома имзолай олишига ишончлари комил эмас.

«Юнайтед» қишки трансферларда жиддий молиявий чекловларга эга. Бунга коронавирус пандемияси туфайли йўқотишлар ва ўтган ёздаги трансфер нархи кутилганидан юқори бўлгани сабаб бўлди.

Шунингдек, «Манчестер Юнайтед» қизиқиш билдираётган ҳужумкор футболчилар рўйхатида «Атлетико» футболчилари Жоау Феликс ва Альваро Мората, шунингдек, «ПСВ» футболчиси Коди Гакпо ҳам бор. «Манкунианликлар» Феликс билан шартнома имзолаши мумкинлиги ҳақида январда малум қилинган, бироқ ярим ҳимоячининг 100 миллион евролик юқори трансфер нархи бунга тўсиқ бўлиши мумкин.

Клуб 23 ёшли футболчини мавсум охирида сотиб олиш мажбурияти билан ижарага олиш вариантини кўриб чиқмоқда.