L'Equipe bosh muharriri o‘rinbosari Jan-Filipp Lekler JCH-2022 1/2 finalida Didye Desham Fransiyaning Marokashga qarshi bugungi o‘yin uchun tarkibni qanday shakllantirishi haqida ma’lumot berdi.

Avvalroq Mundo Deportivo nashri yarim himoyachi Adriyen Rabyo va himoyachi Dayot Upamekano gripp alomatlari tufayli jamoadoshlaridan ajratilgani haqida xabar bergan edi.

“Bizning so‘nggi ma’lumotlarga ko‘ra, Rabyo va Upamekano o‘ynaydi. Agar ular maydonga tusha olmasalar, Upamekanoning o‘rnini Avstraliya va Tunisga qarshi o‘yinlarda yaxshi o‘ynagan Ibrohim Konate egallaydi. Rabyoning yo‘qligi yanada muammoli bo‘ladi. Agar uning o‘rniga Tunisga qarshi uchrashuvni o‘tkazib yuborgan Yusuf Fofana tushsa mantiqan to‘g‘ri bo‘ladi. Zaxirachilar himoya markazida o‘ynasa, bu oson bo‘lmaydi. Fofana bilan bo‘lgan variant ancha ishonchliroq bo‘lardi, chunki u Tchuameni bilan uzoq vaqt "Monako"da birga o‘ynagan", - dedi Lekler SE nashriga.

Bugun, 14 dekabr kuni Fransiya terma jamoasi Qatarda bo‘lib o‘tayotgan jahon chempionati finaliga chiqish uchun Marokash bilan o‘ynaydi. Boshlanishi Toshkent vaqti bilan 23.59 da.