Chorshanba kuni "Milan" Italiya chempionatida "Salernitana"ni mehmonda mag‘lub etdi – 2:1. "Rossonerilar"ning ilk gol muallifi Yevropaning top-klublari qiziqayotgan hujumchi Rafael Leau bo‘ldi. Portugaliyalik futbolchi haqida murabbiy Stefano Pioli o‘z fikrlarini aytdi.
"Men Leau bilan gaplashdim va uning safimizda o‘sishi jarayoni hali tugamaganini aytdim. Qarasam, u baxtli va shu yerda qolishga tayyor. Bugun u chempion bo‘la olishini isbotladi. U to‘g‘ri munosabat va izchillik bilan ishladi", - dedi Pioli Sky Sport nashriga.
Endi "Milan" "Roma" bilan o‘yinga tayyorgarlik ko‘radi.
