Madridning “Real” klubi himoyachisi Ferlan Mendi ispan klubi bilan yangi shartnoma imzolashdan bosh tortdi. "Manchester Siti" uning holatini kuzatib bormoqda va yangi chap qanot himoyachisini sotib olmoqchi.

Ferland Mendi "Real"ga 2019 yilning yozida "Lion"dan kelib qo‘shilgan edi. 27 yoshli himoyachi joriy mavsumda jamoasi safida 18 ta o‘yinda maydonga tushib, 1 ta golli uzatmani amalga oshirdi. Tomonlar o‘rtasidagi kelishuv 2025 yilda tugaydi.

Madridning “Real” klubi Ispaniya chempionatining 15-turidan so‘ng 38 ochko jamg‘arib, turnir jadvalida ikkinchi o‘rinda bormoqda. “Barselona”ning ochkolari soni bir xil, ammo qo‘shimcha ko‘rsatkichlar yaxshiligi uchun ular yuqoriroq. "Manchester Siti" 17 turdan keyin 39 ochko bilan APLda ikkinchi o‘rinda bormoqda.