Kecha, 7 yanvar kuni "El Madrigal" stadionida Ispaniya chempionatining 16-turidan o‘rin olgan uchrashuv bo‘lib o‘tdi. Unda "Vilyarreal" va Madridning "Real" jamoasini qabul qildi. Bahs mezbonlarning 2:1 hisobidagi g‘alabasi bilan yakunlandi.

"Vilyarreal" 2018 yildan beri ilk bor raqibini mag‘lub etishga muvaffaq bo‘ldi. O‘sha uchrashuvdan beri jamoalar o‘zaro to‘qqiz marta o‘ynashgan. "Real Madrid" uch marta g‘alaba qozongan, qolgan olti uchrashuvda hakamlar durang qayd etgan.

"Vilyarreal" 27 ochko jamg‘arib, Ispaniya chempionati turnir jadvalida beshinchi o‘ringa ko‘tarilib oldi. "Real" (38) - ikkinchi. "Qaymoqranglilar" "Barselona" bilan bir xil ochkoga ega.