"Milan" hujumchisi Zlatan Ibrahimovich tez orada maydonga qaytishi mumkin.
41 yoshli shved jiddiy jarohatidan forig‘ bo‘lishda davom etmoqda, shu sabab joriy mavsumda birorta ham o‘yin o‘tkazmadi. Stefano Piolining so‘zlariga ko‘ra, hujumchi tez orada kasalxonani tark etadi:
"Avvaldan rejalashtirilganidek, Zlatan keyingi haftada qaytadi. Shundan so‘ng biz uning holatiga baho beramiz va qachon yana maydonga tushishini bilib olamiz”, - dedi “rossonerilar” ustozi.
8 yanvar kuni "Milan" A seriya doirasida "Roma"ni qabul qiladi. Ayni damda Italiyaning amaldagi chempioni turnir jadvalida uchinchi o‘rinda bormoqda.