Yarim himoyachi Ismael Bennaser "Milan" bilan yangi shartnoma imzolangani haqida fikr bildirdi. Shartnoma 2027 yilning yoziga qadar amal qiladi.

“Hikoya davom etadi. Ushbu libos bilan ta’riflab bo‘lmaydigan va unutilmas lahzalarni boshdan kechirdim. Men bu buyuk klub tarixini yozishda davom etayotganimdan faxrlanaman. Olg‘a, "Milan". Har doim”, - deb yozdi Bennaser Twitter sahifasida.

25 yoshli Bennaser 2019 yildan beri “Milan”da to‘p suradi. Joriy mavsumda u 23 ta o‘yinda maydonga tushib, 1 ta gol va 1 ta golli uzatmani amalga oshirdi.