"PSJ" bosh murabbiyi Kristof Galtye yarim himoyachi Marko Verratti haqida o‘z fikrlari bilan o‘rtoqlashdi. Mutaxassisning fikricha, parijliklar o‘yinida yarim himoyachi hal qiluvchi ahamiyatga ega.
“Marko yillar davomida asosiy o‘yinchi bo‘lib kelgan. Uning mavjudligi bizga turli xil tarkiblar bilan o‘ynash imkonini beradi, chunki u ajoyib fazilatlarga ega. Uning yarim himoya va hujumni bog‘lash qobiliyati juda muhim”, dedi Galtye matbuot anjumanida.
Verratti "PSJ"da 2012 yildan beri to‘p suradi. Joriy mavsumda u klub safida 22 ta o‘yinda maydonga tushib, 1 ta golga assistentlik qilgan.
