"Aston Villa" kolumbiyalik yosh hujumchi Jon Dyuranni o‘z safiga qo‘shib oldi. Bu haqda Birmingem klubi ijtimoiy tarmoqlarida xabar bermoqda.
19 yoshli hujumchi Angliyaga MLSning "Chikago Fayr" klubidan kelgan va uzoq muddatli mehnat shartnomasini imzolagan.
Dyuran joriy mavsumda o‘z klubi safida 27 ta o‘yinda maydonga tushib, 8 ta gol va 5 ta golli uzatmani amalga oshirgan.













