"Manchester Siti" hujumchisi Erling Xolandning agenti uning qiymatini 1 milliard yevro deb hisoblamoqda.

Xoland hozir qancha turadi?

- Biz Pogbani 80 million yevroga sotganimizda, hamma: "Bu aql bovar qilmaydigan narsa!" degandi. Bugungi kunda ko‘p futbolchilarning narxi shunday qimmat, masalan: Neymar - 222 million yevro.

Men uchun Xoland 1 milliard yevroga teng. Ehtimol, hech kim u uchun bunchalik ko‘p pul to‘lamaydi, lekin bu uning klubga o‘tishi bilan ega bo‘lgan salohiyatidir. U bilan birga muxlislar, gollar, sport natijalari, professionallik, tarkib, ommaboplik, homiylar... Xolandning narxi bir qator omillar bilan belgilanadi.

Aslida futbolchining narxini to‘lagan klub belgilaydi. Bilaman, hech kim futbolchi uchun 700 million yevro to‘lamaydi, lekin Erlingning boshqa klubga o‘tishi qanchalik qimmatga tushishini juda yaxshi bilaman. U juda katta summa. Kamida 1 milliard yevro”, - deydi Rafaela Pimenta.

O‘tgan yozda "Manchester Siti" Dortmundning "Borussiya"sida Xolandning tovon pulini faollashtirib, 75 million yevro evaziga o‘ziniki qilib olgandi.

22 yoshli forvard joriy mavsum “Manchester Siti” safida barcha turnirlar doirasida 27 ta o‘yinda maydonga tushib, 31 ta gol va 3 ta golli uzatmani amalga oshirdi.