“Andijon”ning “Volga” klubiga qarshi bo‘lib o‘tgan uchrashuvidan keyin andijonliklar bosh murabbiyi Aleksandr Xomyakov taassurotlari bilan o‘rtoqlashdi.

“Raqib jamoa qanday o‘ynash kerakligini ko‘rsatib qo‘ydi. Shunday o‘ynashga intilish kerak, jamoa menga yoqdi. Tezkor harakatlanyapti, bizda muammolar ko‘p. O‘yindan-o‘yinga takrorlanyapti. Hozircha buni to‘g‘rilay olmayapmiz, standart vaziyatlar orqali ikki o‘yindan beri raqiblar gol urib ketishyapti va yana penalti bo‘ldi.

Bu o‘yin bizga yanada ko‘proq ishlashimiz kerakligini ko‘rsatib berdi. Raqib jamoa o‘ynagandek futbol o‘ynashga intilishimiz kerak.

Hali vaqt bor bizda. Turli tarkiblarni qo‘yib, tekshirib olmoqdamiz. Tezkorlik bilan asosiy tarkib o‘zagini aniqlab, ular atrofida o‘yinni tashkil qilishimiz kerak. Hozir hammasiga imkoniyat beryapmiz, vaqt esa oz qolyapti.

Biz bugun raqibimizga har jabhada yutqazdik. Avvaliga birinchi bo‘limda to‘rtta yaxshi vaziyat yaratdik, lekin afsuski gol urolmayapmiz. Qaysidir holatlarda vaziyatlar yaratdik, faqat foydalana olmayapmiz. Har bir pozisiyada muammo bor, gol o‘tkazib yuboryapmiz, gol urmayapmiz. Shuning uchun hali ko‘p ishlashimiz kerak”, - deydi Aleksandr Andreevich.

"Andijon" matbuot xizmati.