«Manchester Yunayted» bosh murabbiyi Erik ten Xag 18 yoshli yarim himoyachi Alexandro Garnacho haqida o‘z fikrlari bilan o‘rtoqlashdi.

«Menimcha, u yaxshi ish qilyapti, o‘yinimizga ta’sir qilmoqda. Alexandro raqibga kuchli tahdid soladi.

«Lids»ga (2:2) qarshi o‘yinda u yaxshi harakat qildi, vaziyatlar yaratdi, ammo gol urishi kerak edi.

Garnacho o‘ziga to‘liq ishonadi, bu yaxshi. O‘yindagi eng qiyin vaziyatlarni siz yengib o‘tishingiz kerak va u buni qiladi.

Yosh futbolchilar bilan ishlash juda yaxshi. Ko‘pincha ular motivasiyaga muhtoj, ba’zan turtki kerak bo‘ladi», - dedi Ten Xag.

Avvalroq, «Manchester Yunayted» Garnacho bilan shartnomani 2028 yilgacha uzaytirishi haqida xabar berilgandi.

Yarim himoyachining amaldagi shartnomasi 2024 yilgacha mo‘ljallangan. Garnacho joriy mavsumda «Manchester Yunayted» safida barcha turnirlarda 22 ta o‘yinda maydonga tushib, 2 ta gol urdi va 5 ta golli uzatmani amalga oshirdi.