"Manchester Yunayted" bosh murabbiyi Erik ten Xag o‘z shogirdi Brunu Fernandeshning o‘yini haqida gapirdi.

Mutaxassisning so‘zlariga ko‘ra, portugaliyalik yarim himoyachi sheriklariga o‘rnak bo‘lib, jamoaning taktik tarkiblarini shakllantirishda ham muhim o‘rin tutadi.

“Brunu juda og‘ir yukni ko‘tara oladi va ko‘plab o‘yinlarga bardosh bera oladi. U butun jamoa uchun haqiqiy o‘rnak", - dedi Ten Xag Goal portali bilan suhbatda.

Fernandsh joriy mavsumda “qizil iblislar” safida 35 ta o‘yinda maydonga tushib, 7 ta gol urdi va 8 ta golli uzatmani amalga oshirdi.