Sobiq hujumchi Ueyn Runi Erik ten Xagning "Manchester Yunayted"dagi faoliyati haqida fikr bildirdi.
"Manchester Yunayted"ga yillar davomida shunday murabbiy kerak edi. Men bazaga bir necha bor tashrif buyurganman, futbolchilar bilan gaplashganman va bilaman, ular uning qo‘l ostida ishlashni yaxshi ko‘rishadi va bu har doim muhim. Shu bilan birga, u futbolchilarga nisbatan juda talabchan.
O‘ylaymanki, u futbolchilarning ruhiyatini o‘zgartirdi, ularga ishonchni qaytardi, ularda aslida yaxshi jamoa borligiga ishonishlariga yordam berdi va odamlar buni tushuna boshladi.
APLda birinchi o‘rindagi jamoa bilan orada besh ochko bor, oldinda hali ko‘p o‘yinlar bor, kim biladi deysiz...
Ten Xag barcha o‘yinchilarni ishga jalb etishga muvaffaq bo‘ldi, zaxiradan maydonga tushgan futbolchilar ham o‘z zimmasiga olgan vazifalarni bajarishmoqda. Madaniyat va xarakterdagi bunday o‘zgarish jamoaga anchadan beri kerak bo‘lgan", - dedi "Di-Ci- Yunayted" bosh murabbiyi.
