Erik ten Xag "MYU" bilan qo‘lga kiritgan birinchi sovrindan so‘ng, klubga kelishda tavakkal qilgani haqida gapirdi.

Angliya Liga kubogi finalida “Nyukasl”ni 2:0 hisobida mag‘lub etganidan so‘ng, jurnalistlar murabbiydan “Ayaks”dan “Manchester Yunayted”ga ketishni tavakkal deb hisoblaysizmi, deb so‘rashdi.

"Balki bu tavakkalchilik bo‘lgandir, lekin men juda qaysarman. Men shunchaki "Manchester Yunayted"ni yaxshi ko‘raman. Men libosni ko‘rganimda, muxlislar bilan aloqamizni ko‘rganimda, "Old Trafford"ni ko‘rganimda, Ser Aleksning merosini va "Manchester Yunayted"da o‘sgan futbolchilarni ko‘rganimda bundan juda ta’sirlanaman.

Biz takrorlashni xohlaymiz. Bu jamoa o‘z tarixini yozib, o‘z merosini qoldirmoqchi. Bunday imkoniyat haqida eshitganimda, "Manchester Yunayted" men uchun to‘g‘ri klub deb o‘yladim", - dedi Ten Xag.