"Manchester Yunayted" safida Angliya Premyer-ligasida to‘p tepayotgan 32 yoshli ispaniyalik darvozabon David de Xea yozgi transfer oynasida jamoasini o‘zgartirishi mumkin.
“Qizil iblislar” darvozaboniga Yevropaning bir qancha top-klublari qiziqish bildirmoqda. Gap “PSJ”, “Yuventus” va “Roma” haqida ketmoqda. De Xea erkin agent sifatida boshqa jamoaga o‘tishi mumkin, chunki uning "Manchester Yunayted" bilan shartnomasi joriy mavsum oxirida tugaydi.
David mankunianliklar safida 2011 yildan buyon o‘ynab kelmoqda. Angliya Premyer-ligasining joriy mavsumida darvozabon 26 ta o‘yin o‘tkazib, 35 ta gol o‘tkazib yuborgan.
