Bundesliganing 26-turining markaziy uchrashuvida “Bavariya” o‘z maydonida Dortmundning “Borussiya” klubini qabul qilib, 4:2 hisobida g‘alaba qozondi. Myunxenliklarning yangi bosh murabbiyi Tomas Tuxel uchrashuv haqidagi taassurotlari bilan o‘rtoqlashdi.
"Bu "Bavariya"ning ajoyib harakati bo‘ldi. Lekin biz bundan ham ko‘proq ustunlikka erishmoqchi edik. To‘p yo‘qotishlarimiz juda ko‘p, hali qiladigan ishlarimiz bor. Ammo jamoa topshiriqni to‘liq bajardi. "Bavariya" hozir birinchi raqamda. Bu bizni biroz tinchlantiradi", dedi murabbiy.
Qayd etish joiz, bu Tuxel uchun myunxenliklar boshqaruvidagi debyut uchrashuvi edi.
