"Manchester Yunayted" yarim himoyachisi Kristian Eriksen "Nottingem Forest" ustidan qozonilgan g‘alaba (2:0) uchun asosiy tarkibda jarohat olgan Marsel Zabiserni qanday almashtirgani haqida fikr bildirdi.

"Menda tayyorgarlik ko‘rish uchun ko‘p vaqt yo‘q edi. Marsel Zabiser jarohat olgani haqida xabar oldim. Menga tayyor turishimni aytishdi. Men biroz vaqt o‘yindan tashqarida edim, shuning uchun tayyorgarlik ko‘rishim kerak edi.

Men o‘yinimizga oson mos tushaman. Jamoa meni hayratda qoldirdi, ular shiddat va saviyani saqlab qolishdi. Mavsumni qanday boshlaganimiz bilan solishtirganda, hozir klubda butunlay boshqacha muhit hukm surmoqda.

Oldinda hali ko‘p o‘yinlar bor, lekin biz bor kuchimizni berishni istaymiz. Biz "Sevilya"dan qasos olib, Yevropa ligasining yarim finaliga chiqmoqchimiz", - dedi Eriksen.

Kristian jarohatidan forig‘ bo‘lganidan keyin ilk bor maydonga tushdi. 31 yoshli daniyalik yarim himoyachi joriy mavsumda “Manchester Yunayted” safida APLda 21 ta o‘yinda maydonga tushib, 1 ta gol va 7 ta golli uzatmaga mualliflik qilgan.