Dubayning “Shabob al-Ahli” klubi BAA chempionatining 25-turida “Bani-YAs”ni mag‘lub etdi.

Uchrashuvning 61-daqiqasida maydon egalari hisobni ochdi. Oradan ko‘p o‘tmay dubayliklar Aziz G‘aniyevning golidan keyin muvozanatni tikladi. Uch daqiqa o‘tib Yahyo al-G‘assoniy “Shabob”ga g‘alaba keltirgan gol muallifiga aylandi.

Shu tariqa “Shabob al-Ahli” chempionat tugashiga bir tur qolganda chempionlik masalasini hal qildi. Dubay klubi ikkinchi o‘rindagi “Al-Ayn”ni uch ochkoga ortda qoldirmoqda va o‘zaro o‘yinlardagi ustunlik evaziga muddatidan avval chempionlikni hal qildi.

O‘zbekistonlik yarim himoyachi Aziz G‘aniyev joriy mavsum liga doirasida 25 ta o‘yin o‘tkazib, 3 ta gol va 4 ta golli uzatmaga muallif bo‘ldi.

Uch yildan beri BAA klubi safini himoya qilayotgan G‘aniyev jamoasi bilan ilk bor mamlakat chempionligini qo‘lga kiritdi. Bunga qadar u “Shabob” bilan BAA prezidenti kubogi, Liga kubogi va mamlakat Superkubogida g‘olib chiqqandi.