«Manchester Yunayted» hali avstriyalik hujumchi Marsel Zabitserning kelajagi borasida bir qarorga kelmagan.

Eslatib o‘tamiz, bu futbolchi Myunxenning «Bavariya» klubiga tegishli va Manchesterda u ijara shartnomasi bo‘yicha ishlaydi - uning muddati joriy mavsum oxirida tugaydi.

«Mankunianliklar» hali futbolchining kelajagi bo‘yicha bir qarorga kelgani yo‘q, klub yaqin haftalarda «Bavariya» bilan bu mavzuni muhokama qiladi», - deb yozdi insayder Fabrisio Romano o‘zining ijtimoiy tarmoqlarida.

Joriy mavsumda futbolchi «Manchester Yunayted» safida 18 ta o‘yin o‘tkazdi va bu o‘yinlarda u 3 marta gol urdi va bitta golli uzatmani amalga oshirdi.