Karlo Anchelottining o‘g‘li Davide Anchelotti Braziliya termasini vaqtincha boshqarib turishi mumkin.

Braziliya futbol konfederasiyasi (CBF) "Real Madrid" bosh murabbiyini mamlakat terma jamoasiga tayinlash imkoniyatlariga optimistik qaramoqda.

Hozir Braziliya terma jamoasi vaqtinchalik bosh murabbiyi Ramon Menezesning murabbiylar shtabiga Anchelottiga yaqin bo‘lgan shaxsni kiritish, Karloning o‘zi esa 2024 yilda madridliklar bilan shartnoma muddati tugaganidan keyin jamoaga qo‘shilishi varianti ko‘rib chiqilmoqda.

ESPN Brasil xabariga ko‘ra, bunday shaxs 2016 yildan buyon otasining yordamchisi bo‘lib ishlab kelayotgan Davide Anchelotti bo‘lishi mumkin.

33 yoshli italiyalik 2023/24 yilgi mavsumda Braziliya terma jamoasiga o‘yinchilarni chaqirishda ham ishtirok etishi kutilmoqda. Barcha tafsilotlar tomonlarning iyun oyi oxirida bo‘lib o‘tadigan uchrashuvida muhokama qilinadi.

CBF terma jamoaga tayinlanishidan ancha oldin murabbiylar shtabida ishonchli odamning bo‘lishi Karloning moslashishiga yordam beradi, deb hisoblaydi.