"Chelsi" darvozaboni Kepa Arrisabalaga kelasi mavsumda London klubida o‘ynashda davom etadi, deb xabar beradi Evening Standard.
Manbaga ko‘ra, yangi bosh murabbiy Maurisio Pochettino futbolchining "Chelsi"ning asosiy darvozaboni bo‘lib qolishini istamoqda. Mutaxassisning fikricha, darvozabonlar murabbiyi Toni Ximenes bilan Kepa yangi bosqichga chiqa oladi.
28 yoshli futbolchi 2018 yilning yozida “Atletik”dan 80 million yevro evaziga “Chelsi”ga o‘tgan edi. O‘tgan mavsumda u 39 ta o‘yinda maydonga tushib, 45 ta gol o‘tkazib yuborgan va 12 ta uchrashuvda darvozasi daxlsizligini saqlab qolgan.