"Челси" дарвозабони Кепа Аррисабалага келаси мавсумда Лондон клубида ўйнашда давом этади, деб хабар беради Evening Standard.
Манбага кўра, янги бош мураббий Маурисио Почеттино футболчининг "Челси"нинг асосий дарвозабони бўлиб қолишини истамоқда. Мутахассиснинг фикрича, дарвозабонлар мураббийи Тони Хименес билан Кепа янги босқичга чиқа олади.
28 ёшли футболчи 2018 йилнинг ёзида “Атлетик”дан 80 миллион евро эвазига “Челси”га ўтган эди. Ўтган мавсумда у 39 та ўйинда майдонга тушиб, 45 та гол ўтказиб юборган ва 12 та учрашувда дарвозаси дахлсизлигини сақлаб қолган.
