Germaniya terma jamoasi rahbariyati o‘z uyida bo‘lib o‘tadigan Yevropa chempionati boshlanishiga bir yil qolganida murabbiyni almashtirish haqida o‘ylamoqda. Sport Bild xabariga ko‘ra, "Bundestim" "Bavariya"ning yana bir sobiq ustozi Yulian Nagelsmann Xans-Diter Flikning o‘rniga yagona munosib nomzod deb hisoblamoqda.
Manbaga ko‘ra, Germaniya terma jamoasi rahbarlarining bir qismi vaqtni boy bermaslikka va Nagelsmann ishsiz bo‘lgan vaqtda uni taklif qilishga chaqirmoqda. Boshqa qismi Yulianning yetarlicha tajriba va vakolatga ega ekanligiga shubha qiladi.
Eslatib o‘tamiz, Flik boshchiligidagi Germaniya terma jamoasi so‘nggi uchta o‘rtoqlik uchrashuvining birortasida ham g‘alaba qozona olmadi. Shuningdek, jamoa Qatarda bo‘lib o‘tgan jahon chempionatida guruh bosqichida ishtirokini yakunlagandi.
