Jurnalist Fabrisio Romanoning so‘zlariga ko‘ra, Meyson Mauntning "Chelsi"dan "Manchester Yunayted"ga o‘tishi bugun yakunlanadi.

Avvaliga futbolchini tibbiy ko‘rikdan o‘tkazish rejalashtirilgan, shundan so‘ng tomonlar yana bir yilga uzaytirish imkoniyati bilan 2027/28 yilgi mavsum oxirigacha shartnoma imzolaydi. O‘z tarbiyalanuvchisi uchun "Chelsi" 55 million yevro oladi. "Manchester Yunayted" kelasi besh yil ichida sovrinlarni qo‘lga kiritsa, londonliklar yana 5 million olishlari mumkin.

Maunt "Chelsi"ning asosiy jamoasida deyarli to‘rt yil o‘ynadi. Meyson Premyer-ligadagi debyutini 2019 yil 12 avgust kuni “Manchester Yunayted”ga qarshi o‘tkazgandi. O‘shanda "Chelsi" o‘z maydonida 0:4 hisobida mag‘lub bo‘lgandi.

Hammasi bo‘lib Maunt o‘z jamoasi uchun barcha musobaqalarda 195 ta o‘yin o‘tkazib, 33 ta gol va 37 ta golli uzatmani amalga oshirgan.