Madridning "Real" jamoasining bo‘lajak futbolchisi Endrik jamoaning hozirgi yulduzi Vinisius Junior bilan munosabatlari haqida gapirdi.
Eslatib o‘tamiz, "Palmeyras"ning yosh yulduzi "qaymoqranglilar" safiga 2024 yilning iyul oyida, 18 yoshini nishonlaganida qo‘shiladi. Ushbu transfer "Real"ga ehtimoliy bonuslarni hisobga olmaganda 37,5 million yevroga tushadi.
"Vinisius mening do‘stim", deydi Endrik. "Men ta’tilimni u bilan o‘tkazdim va u menga "Real" haqida ko‘p gapirib berdi. U Madridga ko‘chib o‘tganimdan keyin hammasi yaxshi bo‘lishini aytadi", - dedi 16 yoshli braziliyalik vunderkind.
