Мадриднинг "Реал" жамоасининг бўлажак футболчиси Эндрик жамоанинг ҳозирги юлдузи Винисиус Жуниор билан муносабатлари ҳақида гапирди.
Эслатиб ўтамиз, "Палмейрас"нинг ёш юлдузи "қаймоқранглилар" сафига 2024 йилнинг июль ойида, 18 ёшини нишонлаганида қўшилади. Ушбу трансфер "Реал"га эҳтимолий бонусларни ҳисобга олмаганда 37,5 миллион еврога тушади.
"Винисиус менинг дўстим", дейди Эндрик. "Мен таътилимни у билан ўтказдим ва у менга "Реал" ҳақида кўп гапириб берди. У Мадридга кўчиб ўтганимдан кейин ҳаммаси яхши бўлишини айтади", - деди 16 ёшли бразилиялик вундеркинд.
