«Arsenal» bosh murabbiyi Mikel Arteta «Manchester Yunayted»ga qarshi bo‘lib o‘tgan o‘rtoqlik o‘yini (0:2) borasida o‘z fikrlari bilan o‘rtoqlashdi.

«Bunday saviyadagi o‘yinda, hattoki u o‘rtoqlik o‘yini bo‘lsa-da, ko‘p foydali ma’lumot beradi. Biz hali ko‘p narsani yaxshilashimiz kerak, jumladan, har ikki jarima maydoni ichida. Xatolar — futbolning bir qismi, ammo ulardan ehtiyot bo‘lish kerak. Mag‘lubiyat — hamisha alamli.

Jismoniy tayyorgarlikka talab hamisha yuqori, shunga munosib bo‘lishimiz kerak. Shuning uchun ba’zi o‘yinchilardan ko‘proq narsa kutamiz. Umuman olganda, raqib samarali harakat qilganida vaziyatlarga ega bo‘ldi. Shuningdek, tashabbusni qo‘lga kiritganimizda hamda ikkinchi bo‘limda hisobni tenglashtirish uchun harakat qilganimizda, bizda ham gol urish uchun imkoniyatlar bo‘lardi, ammo ulardan foydalana olmadik. Natijada "MYU" g‘alaba qozondi», – dedi «Arsenal» ustozi.