Madridning “Atletiko” klubi bosh murabbiyi Diyego Simeone Saudiya Arabistoniga nega o‘tmagani haqida fikr bildirdi.
O‘tgan oy paydo bo‘lgan ma’lumotlarga ko‘ra, "Al-Ahli" argentinalik mutaxassisga katta maosh taklif qilgan, ammo u "Atletiko"da qolishni ma’qul ko‘rgan.
“Saudiya Arabistonidan kelgan taklif meni ikkilanishga majbur qildimi? Yo‘q. To‘g‘risi, hozirgi holatimdan xursandman. "Atletiko"da ishlaganimdan juda xursandman, hammasi menga mos keladi. Saudiya klubi taklifni yaxshilaganida ham menda hech qanday shubha yo‘q bo‘lardi", - dedi "matraschilar" bosh murabbiyi.
Diyego Simeonening "Atletiko" bilan amaldagi shartnomasi kelasi yozgacha amal qiladi.
