Мадриднинг “Атлетико” клуби бош мураббийи Диего Симеоне Саудия Арабистонига нега ўтмагани ҳақида фикр билдирди.
Ўтган ой пайдо бўлган маълумотларга кўра, "Ал-Аҳли" аргентиналик мутахассисга катта маош таклиф қилган, аммо у "Атлетико"да қолишни маъқул кўрган.
“Саудия Арабистонидан келган таклиф мени иккиланишга мажбур қилдими? Йўқ. Тўғриси, ҳозирги ҳолатимдан хурсандман. "Атлетико"да ишлаганимдан жуда хурсандман, ҳаммаси менга мос келади. Саудия клуби таклифни яхшилаганида ҳам менда ҳеч қандай шубҳа йўқ бўларди", - деди "матрасчилар" бош мураббийи.
Диего Симеоненинг "Атлетико" билан амалдаги шартномаси келаси ёзгача амал қилади.
