"Yuventus" bosh murabbiyi Massimiliano Allegri Pol Pogbani jamoaga qaytarishga shoshilmayapti.
30 yoshli yarim himoyachi navbatdagi jarohatidan tiklanishda davom etmoqda, shu sababli u yangi mavsumga to‘liq tayyorlana olmayapti. "Byankonerilar" murabbiyining fikricha, fransiyalik futbolchini yaqin orada maydonda kutishning hojati yo‘q:
"Pol qaytishiga yana bir oy yoki undan ko‘proq vaqt kerak bo‘ladi - balki shundan keyin ham u o‘yinga darhol tayyor bo‘lmaydi, lekin dastlab u zaxira o‘rindig‘ida paydo bo‘lish bilan cheklanadi. Biz to‘liq ishonch hosil qilishimiz kerak. Biz endi uning tizzasini xavf ostiga qo‘ya olmaymiz", - dedi Allegri Sky Sports nashriga bergan intervyusida.
