"Ювентус" бош мураббийи Массимилиано Аллегри Поль Погбани жамоага қайтаришга шошилмаяпти.
30 ёшли ярим ҳимоячи навбатдаги жароҳатидан тикланишда давом этмоқда, шу сабабли у янги мавсумга тўлиқ тайёрлана олмаяпти. "Бьянконерилар" мураббийининг фикрича, франциялик футболчини яқин орада майдонда кутишнинг ҳожати йўқ:
"Поль қайтишига яна бир ой ёки ундан кўпроқ вақт керак бўлади - балки шундан кейин ҳам у ўйинга дарҳол тайёр бўлмайди, лекин дастлаб у захира ўриндиғида пайдо бўлиш билан чекланади. Биз тўлиқ ишонч ҳосил қилишимиз керак. Биз энди унинг тиззасини хавф остига қўя олмаймиз", - деди Аллегри Sky Sports нашрига берган интервьюсида.
