"Selta Vigo" bosh murabbiyi Rafael Benites "Napoli"ning yarim himoyachi Gabri Veygaga qiziqishi haqida fikr bildirdi.

“Gabri o‘tgan yilgi mavsumni uning yoshi va imkoniyatlari bilan ajoyib o‘tkazdi. U top futbolchiga aylana oladi. Unga katta jamoalar qiziqish bildirishi normal holat. Bugun biz rasmiy taklif borligini bilamiz - keling, hammasi qanday tugashini ko‘ramiz. U biz uchun juda muhim va agar Gabri qolsa, bu ajoyib bo‘ladi", - deya Benitesning so‘zlaridan iqtibos keltiradi La Gazette Dello Sport.

Oldinroq insayder Fabrisio Romano “Selta” “Napoli”ning 30 million yevrolik taklifini rad etganini ma’lum qilgandi.

2022/23 yilgi mavsumda 21 yoshli ispaniyalik Vigo klubi safida 40 ta o‘yin o‘tkazib, 11 ta gol urdi va 4 ta golli uzatmani amalga oshirdi.