"Сельта Виго" бош мураббийи Рафаэль Бенитес "Наполи"нинг ярим ҳимоячи Габри Вейгага қизиқиши ҳақида фикр билдирди.
“Габри ўтган йилги мавсумни унинг ёши ва имкониятлари билан ажойиб ўтказди. У топ футболчига айлана олади. Унга катта жамоалар қизиқиш билдириши нормал ҳолат. Бугун биз расмий таклиф борлигини биламиз - келинг, ҳаммаси қандай тугашини кўрамиз. У биз учун жуда муҳим ва агар Габри қолса, бу ажойиб бўлади", - дея Бенитеснинг сўзларидан иқтибос келтиради La Gazette Dello Sport.
Олдинроқ инсайдер Фабрицио Романо “Сельта” “Наполи”нинг 30 миллион евролик таклифини рад этганини маълум қилганди.
2022/23 йилги мавсумда 21 ёшли испаниялик Виго клуби сафида 40 та ўйин ўтказиб, 11 та гол урди ва 4 та голли узатмани амалга оширди.