"Liverpul" yarim himoyachisi Tyago Alkantara yozgi transfer oynasida jamoani tark etmaydi.
Ispaniyalik futbolchiga Saudiya Arabistonining “Al-Ahli” klubi qiziqish bildirayotgan edi, biroq u “Liverpul”da qolishni afzal ko‘rdi. Yarim himoyachi joriy mavsumni “qizillar” safida o‘tkazish niyatida, buni jamoa boshqaruvchisi Yurgen Klopp ham tasdiqladi: “U kelib, mendan jamoadagi roli haqida so‘radi, gaplashdik. Tyago - ajoyib tajribali futbolchi, u bizga ko‘p yordam beradi", - deya nemis mutaxassisining so‘zlaridan iqtibos keltiradi insayder Fabrisio Romano.
Alkantaraning "Liverpul" bilan shartnomasi kelasi yilning iyun oyi o‘rtalariga qadar amal qiladi. 32 yoshli futbolchi 2020 yildan buyon mersisaydliklar sharafini himoya qilib kelmoqda.
