"Ливерпуль" ярим ҳимоячиси Тьяго Алькантара ёзги трансфер ойнасида жамоани тарк этмайди.

Испаниялик футболчига Саудия Арабистонининг “Ал-Аҳли” клуби қизиқиш билдираётган эди, бироқ у “Ливерпуль”да қолишни афзал кўрди. Ярим ҳимоячи жорий мавсумни “қизиллар” сафида ўтказиш ниятида, буни жамоа бошқарувчиси Юрген Клопп ҳам тасдиқлади: “У келиб, мендан жамоадаги роли ҳақида сўради, гаплашдик. Тьяго - ажойиб тажрибали футболчи, у бизга кўп ёрдам беради", - дея немис мутахассисининг сўзларидан иқтибос келтиради инсайдер Фабрицио Романо.

Алькантаранинг "Ливерпуль" билан шартномаси келаси йилнинг июнь ойи ўрталарига қадар амал қилади. 32 ёшли футболчи 2020 йилдан буён мерсисайдликлар шарафини ҳимоя қилиб келмоқда.