Milanning «Inter» klubi «Bavariya» hujumchisi Erik Shupo-Motingni o‘z transferlari ro‘yxatiga kiritdi.
«Neradzurrilar» haligacha markaziy hujumchi bilan shartnoma imzolagani yo‘q. Yaqinda klub Folarin Balogun uchun kurashni tark etdi.
La Gazzetta dello Sport xabariga ko‘ra, Shupo-Moting «Inter»ning maqsadlari ro‘yxatida yangi nomzodga aylandi.
«Bavariya» 34 yoshli kamerunlik futbolchi uchun takliflarga ochiq bo‘lishi kutilmoqda, chunki Harri Keyn yaqinda jamoaga kelib qo‘shilgan edi.
Transfermarkt portali Shupo-Motingning narxini 5 million yevroga baholamoqda. O‘tgan mavsumda hujumchi myunxenliklar safida 30 ta o‘yinda maydonga tushib, 17 ta gol urdi va 4 ta golli uzatmani amalga oshirgan.
