Миланнинг «Интер» клуби «Бавария» ҳужумчиси Эрик Шупо-Мотингни ўз трансферлари рўйхатига киритди.
«Нерадзуррилар» ҳалигача марказий ҳужумчи билан шартнома имзолагани йўқ. Яқинда клуб Фоларин Балогун учун курашни тарк этди.
La Gazzetta dello Sport хабарига кўра, Шупо-Мотинг «Интер»нинг мақсадлари рўйхатида янги номзодга айланди.
«Бавария» 34 ёшли камерунлик футболчи учун таклифларга очиқ бўлиши кутилмоқда, чунки Ҳарри Кейн яқинда жамоага келиб қўшилган эди.
Transfermarkt портали Шупо-Мотингнинг нархини 5 миллион еврога баҳоламоқда. Ўтган мавсумда ҳужумчи мюнхенликлар сафида 30 та ўйинда майдонга тушиб, 17 та гол урди ва 4 та голли узатмани амалга оширган.
