Londonning “Chelsi” klubi bosh murabbiyi Maurisio Pochettino jamoa yarim himoyasini kuchaytirish niyati haqida gapirdi. Yaqinda "aristokratlar" "Brayton" yarim himoyachisi Moyses Kaysedoga qiziqish bildirayotgani haqida xabarlar tarqalgan edi.
“Men kuchaytirmoqchi bo‘lgan pozisiyalar bormi? Albatta ha. Hozirgi tarkibni o‘tgan mavsum bilan solishtiradigan bo‘lsangiz, yarim himoyachilar kamligini ko‘rasiz. Klubning turli variantlari bor, biz bu borada qattiq ishlayapmiz”, - dedi argentinalik mutaxassis.
"Chelsi" Angliya Premyer-ligasini "Liverpul"ga qarshi o‘z uyidagi o‘yin bilan boshlaydi. Uchrashuv "Stemford Bridj" stadionida bugun, 13 avgust kuni bo‘lib o‘tadi.
