Лондоннинг “Челси” клуби бош мураббийи Маурисио Почеттино жамоа ярим ҳимоясини кучайтириш нияти ҳақида гапирди. Яқинда "аристократлар" "Брайтон" ярим ҳимоячиси Мойсес Кайседога қизиқиш билдираётгани ҳақида хабарлар тарқалган эди.
“Мен кучайтирмоқчи бўлган позициялар борми? Албатта ҳа. Ҳозирги таркибни ўтган мавсум билан солиштирадиган бўлсангиз, ярим ҳимоячилар камлигини кўрасиз. Клубнинг турли вариантлари бор, биз бу борада қаттиқ ишлаяпмиз”, - деди аргентиналик мутахассис.
"Челси" Англия Премьер-лигасини "Ливерпуль"га қарши ўз уйидаги ўйин билан бошлайди. Учрашув "Стэмфорд Бридж" стадионида бугун, 13 август куни бўлиб ўтади.
