Yakshanba kuni “Xetafe” Ispaniya chempionatining 5-turi doirasidagi “Osasuna”ni mag‘lub etdi – 3:2. O‘yinning 77-daqiqasida yaqinda "Manchester Yunayted"dan ijaraga olingan hujumchi Meyson Grinvud "Xetafe" safida debyut qildi.
Qayd etish joiz, bu Grinvudning 2022 yil 22 yanvardan buyon ilk bor rasmiy o‘yinda maydonga tushishi bo‘ldi. O‘shanda hujumchi “MYU” safida “Vest Xem”ga qarshi o‘yinda maydonga tushgandi. Ko‘p o‘tmay, "qizil iblislar" futbolchini sobiq sevgilisi tomonidan zo‘rlash va zo‘ravonlik ayblovlari tufayli mashg‘ulotlardan chetlatishdi. Bir yildan ko‘proq vaqt o‘tgach, Grinvud ayblovlardan ozod qilindi, ammo mankunianliklar uni asosiy jamoaga qaytarishmadi.
