Якшанба куни “Хетафе” Испания чемпионатининг 5-тури доирасидаги “Осасуна”ни мағлуб этди – 3:2. Ўйиннинг 77-дақиқасида яқинда "Манчестер Юнайтед"дан ижарага олинган ҳужумчи Мэйсон Гринвуд "Хетафе" сафида дебют қилди.
Қайд этиш жоиз, бу Гринвуднинг 2022 йил 22 январдан буён илк бор расмий ўйинда майдонга тушиши бўлди. Ўшанда ҳужумчи “МЮ” сафида “Вест Хэм”га қарши ўйинда майдонга тушганди. Кўп ўтмай, "қизил иблислар" футболчини собиқ севгилиси томонидан зўрлаш ва зўравонлик айбловлари туфайли машғулотлардан четлатишди. Бир йилдан кўпроқ вақт ўтгач, Гринвуд айбловлардан озод қилинди, аммо манкунианликлар уни асосий жамоага қайтаришмади.
