«Arsenal» himoyachi Aleksandr Zinchenko bilan shartnomani uzaytirmoqchi. Bu haqda jurnalist Nikolo Skira xabar bermoqda.

Manbaga ko‘ra, ukrainalik futbolchining ingliz klubi bilan yangi shartnomasi 2028 yilgacha amal qilishi mumkin.

Eslatib o‘tamiz, Zinchenkoning «kanonirlar» bilan amaldagi shartnomasi 2026 yilning o‘rtalariga qadar amal qiladi.

Futbolchi o‘tgan mavsum boshidan buyon «Arsenal» sharafini himoya qilib kelmoqda, u avvalroq «Manchester Siti», «PSV» va Rossiyaning «Ufa» klublarida to‘p tepgan.

Angliya chempionatining joriy mavsumida himoyachi oltita o‘yin o‘tkazib, birorta ham samarali harakat qila olmadi.