"Napoli" hujumchisi Viktor Osimxen klub bilan yuzaga kelgan mojaro yuzasidan bayonot berdi.

"2020 yilda Neapolga ko‘chib o‘tish men uchun ajoyib qaror bo‘ldi. Neapol xalqi menga shunchalik mehr ko‘rsatdiki, oramizga hech kimning kirib kelishiga yo‘l qo‘ymayman. Neapolliklar xalqining ishtiyoqi butun qalbim bilan o‘ynashga bo‘lgan ishtiyoqimni kuchaytiradi, "Napoli"ga bo‘lgan muhabbatim cheksiz va men jamoa libosini g‘urur bilan kiyaman.

"Napoli"ga qo‘yilgan ayblovlar haqiqatga to‘g‘ri kelmaydi. Mening oilam va kundalik hayotimning bir qismiga aylangan ko‘plab neapollik do‘stlarim bor. Men nigeriyaliklarni va boshqalarni qo‘llab-quvvatlaganlari uchun minnatdorman. Sizga katta rahmat, men juda minnatdorman. Keling, birdamlik, hurmat va tushunishni rivojlantirishda davom etaylik. Olg‘a, “Napoli””, — deb yozdi Osimxen ijtimoiy tarmoqlarida.

27 sentyabr kuni “Napoli”ning rasmiy TikTok akkauntida joylashtirilgan video Osimxenni g‘azablantirgani ma’lum bo‘ldi. Videoda o‘yinchining penalti so‘ragani va keyin uni amalga oshirmagani masxara qilingan.

Futbolchi jamoa libosidagi barcha suratlarni o‘chirib tashlagan, shuningdek, u klubni sudga berishi mumkinligi ham xabar qilingandi.