Angliya terma jamoasi eshiklari endi Meyson Grinvud uchun yopilgan bo‘lsa-da, boshqa jamoalarning eshiklari yopiq emas. Xususan, Grinvudning Yamayka terma jamoasida o‘ynashi ehtimoli bor. Futbolchining ota-onasi aynan yamaykaliklar. Bu Grinvudga ushbu orol-shtat terma jamoasida o‘ynash imkoniyatini beradi. Yamayka bosh murabbiyi Xeymir Hallgrimson ham xuddi shunday ssenariyni qo‘llab-quvvatlaydi:
"Jamoamizda eng zo‘r iqtidor egalari bo‘lishini istaymiz. Agar u jismoniy formasiga qaytsa, biz u bilan ishlashdan mamnun bo‘lamiz", dedi islandiyalik mutaxassis.
Grinvud hozirda Ispaniyaning “Xetafe” jamoasida o‘ynaydi.