"Napoli" bosh murabbiyi Rudi Garsiya A Seriyaning 8-turida "Fiorentina"dan uchralgan mag‘lubiyat (1:3) haqida fikr bildirdi.
“Biz umidsizlikni his qilamiz, bu noxush natija. Muammo shundaki, himoyada ham, hujumda ham xatoga yo‘l qo‘ydik. Biz birinchi goldan qochishimiz kerak edi, bu aniq. Tanaffusga Osimxen tomonidan kiritilgan penaltidan gol evaziga hisob tenglashgan holda chiqdik va bu bizga kuch berishi kerak edi. Uchinchi gol hammamiz oldinga intilayotganimiz, hisobni tenglashtirishga harakat qilganimiz uchun sodir bo‘ldi, lekin eng yomoni himoyada yetarlicha tajovuzkor bo‘lmaganimiz edi. O‘z uyingda mag‘lub bo‘lsang va butun vaqt davomida atigi to‘rtta zarba tepadigan bo‘lsang, bu normal holat emas", - deya Garsiyaning so‘zlarini keltiradi Football Italia.
Murabbiy “Napoli”ning joriy mavsumdagi muammolarini ham tushuntirib berdi.
"Napoli"ning taktikadagi muammolari mentalitetga bog‘liq emas deb o‘ylayman. Biz raqib hujumlarini xavfli bo‘lishidan oldin to‘xtatish uchun yaxshiroq ish qilishimiz kerak. Biz bu borada ko‘proq ishlashimiz, tajovuzkor o‘ynashimiz, raqib hujumlari boshida qo‘polroq harakat qilishimiz kerak, ular bizning darvozamizga yetib borganida emas", - dedi Garsiya.
8 turdan keyin “Napoli” A Seriya turnir jadvalida 14 ochko bilan peshqadam “Milan”dan 7 ochko ortda qolgan holda 5-o‘rinda bormoqda. Jamoa navbatdagi o‘yinni 22 oktyabr kuni mehmonda "Verona"ga qarshi o‘tkazadi.
