Avvalroq “Napoli”da to‘p tepgan “Toronto” hujumchisi Lorenso Insinye qishda hozirgi jamoasini tark etib, Italiya chempionatiga qaytmoqchi. Bu haqda jurnalist Nikolo Skira xabar berdi.
Manbaga ko‘ra, 32 yoshli vingerning agentlari o‘z mijozini Italiyaga qaytarish variantlarini izlamoqda. Qayd etilishicha, bunday transferni amalga oshirish qiyin bo‘ladi, chunki Insinye yuqori maosh so‘ramoqda (mavsumiga taxminan 7,5 million yevro).
Insinye o‘tgan yozda "Napoli"dan erkin agent sifatida "Toronto"ga o‘tgandi. Italiyalik futbolchi MLS klubi libosida 32 ta o‘yin o‘tkazishga muvaffaq bo‘ldi va u o‘yinlarda 11 ta gol urdi va 6 ta golli uzatmani amalga oshirdi.
